የካውንቲው ዋና አስተዳዳሪ ጽሕፈት ቤት

ጄሲካ ፊትዝዋተር የፍሬድሪክ ካውንቲ መንግስት የካውንቲ ስራ አስፈፃሚ

የካውንቲ ስራ አስፈፃሚ ጽህፈት ቤት

የዜና መግለጫ

ለአስቸኳይ ይፋዊ መግለጫ፡ ነሐሴ 21 ቀን 2018 ዓ.ም. (ኦገስት 27፣ 2026)

ህብረተሰቡ ስለ ዳታ ማዕከላት በሚዘጋጁ የማብራሪያ የውይይት መድረኮች ላይ እንዲሳተፍ ተጋብዟል

ፍሬድሪክ፣ ሜሪላንድ – የካውንቲ ስራ አስፈፃሚ ጄሲካ ፊትዝዋተር ካውንቲው የዳታ ማዕከል ልማትን እንዴት እንደሚቆጣጠር ለማወቅ እድል የሚሰጡ ሁለት ተከታታይ የውይይት መድረኮች በቅርቡ እንደሚካሄዱ ለነዋሪዎች አስታውሰዋል። እነዚህ ክፍለ-ጊዜዎች የተዘጋጁት ሰዎች ከባለስልጣናት ጋር በቀጥታ ተገናኝተው ጥያቄዎችን እንዲጠይቁ እና ለማህበረሰቡ አስተያየቶች ምላሽ ለመስጠት ካውንቲው የወሰዳቸውን እርምጃዎች እንዲያውቁ ነው።

የውይይት መድረኮቹ በሚከተለው መልኩ ይካሄዳሉ፡-

• ረቡዕ፣ ጳጉሜ 2 (ሴፕቴምበር 2)፣ ከምሽቱ 12፡00 እስከ 2፡00 ሰዓት በClaggett Center፣ 3035 Buckeystown Pike, Adamstown, MD 21710
• ረቡዕ፣ ጳጉሜ 9 (ሴፕቴምበር 9)፣ ከምሽቱ 12፡00 እስከ 2፡00 ሰዓት በUrbana Volunteer Fire Department ግብዣ አዳራሽ፣ 3602 Urbana Pike, Frederick, MD 21704

የተለያዩ የካውንቲው መሥሪያ ቤቶች የስራ ኃላፊነታቸው ከዳታ ማዕከል ቁጥጥር ጋር እንዴት እንደሚገናኝ ሰዎች ማወቅ የሚችሉበት የመረጃ ጠረጴዛ ያዘጋጃሉ። ከሜሪላንድ የአካባቢ ጥበቃ መምሪያ የተውጣጡ ሰራተኞች በጳጉሜ 2 (ሴፕቴምበር 2) ስብሰባ ላይ ይገኛሉ። በሁለቱም ስብሰባዎች ላይ የአሜሪካ የምልክት ቋንቋ አስተርጓሚ ይኖራል።ተሳታፊዎች በራሳቸው ፍጥነት በክፍሉ ውስጥ መንቀሳቀስ፣ ከሰራተኞች ጋር መነጋገር እና ሰነዶችን መገምገም ይችላሉ።

እነዚህ ክፍት ፕሮግራሞች ከፍተኛ የሆነ የማህበረሰብ ፍላጎት እና አሳሳቢ ጉዳዮችን ተከትሎ ካውንቲው ለግልጽነት ካለው ቁርጠኝነት አካል ናቸው። ትኩረቱም ነባር ህጎች እና ደንቦች እንዴት ተፈፃሚ እንደሚሆኑ፣ እነሱን የማስከበር ኃላፊነት የማን እንደሆነ፣ እና ሊኖር የሚችለውን የመረጃ ማዕከል (data center) ልማት በሃላፊነት ለመምራት ካውንቲው ምን እየሰራ እንዳለ በማስረዳት ላይ ነው።

የፍሬድሪክ ካውንቲ ከመረጃ ማዕከል ጋር የተያያዙ ማናቸውም ውሳኔዎች ለህዝብ ደህንነት፣ ለአካባቢ ጥበቃ፣ ለህግ ተገዢነት እና ለግልጽነት ቅድሚያ እንዲሰጡ ለማድረግ ስራውን ቀጥሏል። የመረጃ ማዕከላት በአሁኑ ጊዜ በፍሬድሪክ ካውንቲ ውስጥ እጅግ በጣም ቁጥጥር የሚደረግባቸው ኢንዱስትሪዎች ናቸው። የበለጠ ለማወቅ፣ www.FrederickCountyMD.gov/DataCenters ይጎብኙ።

አድራሻ፦ ሆፕ ሞሪስ፣ የኮሙኒኬሽን ስራ አስኪያጅ፣ የኮሙኒኬሽን እና የህዝብ ተሳትፎ ቢሮ፣ 301-600-2590

የሜሪላንድ ፍሬድሪክ ካውንቲ በዘር፣ በቆዳ ቀለም፣ በሃይማኖት፣ በብሔራዊ ማንነት፣ በጾታ፣ በእድሜ፣ በጋብቻ ሁኔታ፣ በአካል ጉዳተኝነት፣ በቤተሰብ ሁኔታ፣ በጾታ ማንነት፣ በጾታዊ ዝንባሌ፣ ወይም በገቢ ምንጭ ላይ የተመሰረተ አድልዎ አያደርግም።የፍሬድሪክ ካውንቲ፦ የበለጸገ ታሪክ፣ ብሩህ ተስፋ ዊንቸስተር አዳራሽ ● 12 ምስራቅ ቸርች ጎዳና፣ ፍሬድሪክ፣ ሜሪላንድ 21701 ● 301-600-1100 ● ፋክስ 301-600-1050 www.FrederickCountyMD.gov